QƏRAR № 17 / 25-05 (01 aprel 2025-ci il)
Regional yerüstü televiziya yayımçısı və peyk yayımı həyata keçirən platforma yayımçısı olan "Kanal-S" Məhdud Məsuliyyətli Cəmiyyətinin "Kanal S" televiziya redaksiyasının (kanalının) efirində 28 mart 2025-ci il tarixində saat 11:00-12:46 aralığında yayımlanan "Sözün bitdiyi an" proqramında ayrıseçkiliyi təbliğ edən informasiyaya yol verildiyinə görə Azərbaycan Respublikası Audiovizual Şurası "İnzibati icraat haqqında" Azərbaycan Respublikasının 21 oktyabr 2005-ci il tarixli 1036-IIQ nömrəli Qanununun 53-56-cı maddələrini, "Media haqqında" Azərbaycan Respublikasının 30 dekabr 2021-ci il tarixli 471-VIQ nömrəli Qanununun 14.1.4-cü, 41.1.1-ci və 41.5-ci maddələrini rəhbər tutaraq qərara alır:
- "Kanal S" televiziya redaksiyasının (kanalının) efirində proqramların yayımı 24 (iyirmi dörd) saatlıq müddətə (4 aprel 2025-ci il tarixdə saat 06.00-dan 05 aprel 2025-ci tarixdə saat 06.00-dək) müvəqqəti dayandırılsın.
- Tətbiq edilmiş müvafiq məsuliyyət tədbirinin məzmunu barədə məlumat proqramların yayımının dayandırılması müddətində (4 aprel 2025-ci il tarixdə saat 06.00-dan 05 aprel 2025-ci tarixdə saat 06.00-dək) "Kanal S" redaksiyasının (kanalının) efirində nümayiş olunsun.
- Bu Qərardan 30 gün müddətində Bakı İnzibati Məhkəməsinə şikayət verilə bilər.
