Vakansiya: APARICI MƏSLƏHƏTÇİ

Azərbaycan Respublikasının Dövlət İmtahan Mərkəzi Azərbaycan Respublikası Audiovizual Şurasında vakant inzibati vəzifənin tutulması üçün daxili müsahibə elan edir:

Azərbaycan Respublikası Audiovizual Şurasının aparatında İnsan resursları, sənədlərlə iş və məxfi məlumat şöbəsinin aparıcı məsləhətçisi

Vəzifə haqqında ətraflı məlumat almaq üçün aşağıdakı keçidə daxil olun:

https://exidmet.dim.gov.az/dqq/Elan/DxMshVezElanDetails?ElanID=555&TeshKodu=248&VakKodu=148160

Müsahibə proqramı ilə tanış olmaq üçün bu keçidə daxil olun:

https://exidmet.dim.gov.az/dqq/Elan/VisMsbMshProqrami?ElanID=555&TeshKodu=248&VakKodu=148160

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;
• 1–3-cü kateqoriya dövlət orqanlarında inzibati vəzifələrin birinci - üçüncü təsnifatlarına uyğun olan vəzifələrə, habelə 2-ci kateqoriya dövlət orqanlarına aid mərkəzi icra hakimiyyəti orqanlarında, onlara bərabər tutulan orqanlarda (Azərbaycan Respublikasının Prezidenti yanında Ali Attestasiya Komissiyası, Azərbaycan Respublikasının Prezidenti yanında Dövlət Sirrinin Mühafizəsi üzrə İdarələrarası Komissiyanın Katibliyi) inzibati vəzifələrin dördüncü təsnifatına uyğun olan vəzifələrə (şöbə müdirləri və həmin dövlət orqanı rəhbərinin müşavirləri, köməkçiləri) iddia edən şəxslər.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Daxili müsahibədə iştirak etmək istəyən namizədlər 4 noyabr 2024-cü il tarixindən 18 noyabr 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.