QƏRAR № 27 / 24-12 (23 avqust 2024-cü il)
Azərbaycan Respublikası Prezidentinin 2022-ci il 17 sentyabr tarixli 1844 nömrəli Fərmanı ilə təsdiq edilmiş "Audiovizual yerüstü yayım həyata keçirən dövlət orqanlarının (qurumlarının) Siyahısı"nda dəyişiklik edilməsi haqqında Azərbaycan Respublikası Prezidentinin 15 avqust 2024-cü il tarixli Fərmanını nəzərə alaraq Azərbaycan Respublikası Audiovizual Şurası "Media haqqında" Azərbaycan Respublikasının 30 dekabr 2021-ci il tarixli, 471-VIQ nömrəli Qanununun 47.1.4-cü maddəsini, "Lisenziyalar və icazələr haqqında" Azərbaycan Respublikasının 2016-cı il 15 mart tarixli, 176-VQ nömrəli Qanununa 2 nömrəli Əlavənin 5.4-cü bəndini rəhbər tutaraq qərara alır:
- "Naxçıvan Muxtar Respublikası Televiziya və Radio Verilişləri" Qapalı Səhmdar Cəmiyyətinə Naxçıvan iqtisadi rayonunun ərazisində fəaliyyət üçün regional yerüstü radio yayımçısı (redaksiyanın adı: "Naxçıvan Radiosu") lisenziyası verilsin.
- Azərbaycan Respublikası Audiovizual Şurası Aparatının Hüquq və beynəlxalq əməkdaşlıq, Audiovizual yayıma texniki nəzarət və informasiya texnologiyaları şöbələri, habelə Kommunikasiya sektoru bu Qərardan irəli gələn digər məsələlərin həll olunmasını təmin etsinlər.
