QƏRAR № 20 / 24-10 (09 iyul 2024-cü il)
Ümumölkə yerüstü televiziya yayımçısı olan "ARB 24" Məhdud Məsuliyyətli Cəmiyyətinin "ARB" televiziya redaksiyasının (kanalının) efirində 21 may 2024-cü il tarixdə, saat 03.05-04.33 aralığında Azərbaycan Republikası ərazisində müstəsna yayım hüququ digər audiovizual yayımçıya məxsus olan "127 saat" bədii filminin yayımlanmasına görə Azərbaycan Respublikası Audiovizual Şurası "İnzibati icraat haqqında" Azərbaycan Respublikasının 21 oktyabr 2005-ci il tarixli 1036-IIQ nömrəli Qanununun 53-56-cı maddələrini, "Media haqqında" Azərbaycan Respublikasının 30 dekabr 2021-ci il tarixli 471-VIQ nömrəli Qanununun 38.2-ci, 41.1.1-ci və 41.5-ci maddələrini rəhbər tutaraq qərara alır:
- "ARB" televiziya redaksiyasının (kanalının) proqramlarının yayımı 11 iyul 2024-cü il tarixində 3 (üç) saatlıq müddətə (saat 11.00-dan saat 14.00-dək) dayandırılsın.
- Tətbiq edilmiş məsuliyyət tədbirinin məzmunu barədə məlumat (proqramlarının yayımının dayandırılması müddətində (11 iyul 2024-cü il tarixdə saat 11.00-dan saat 14.00-dək) "ARB" televiziya redaksiyasının (kanalının) efirində yayımlansın.
- Bu Qərardan 30 gün müddətində Bakı İnzibati Məhkəməsinə şikayət verilə bilər.
