QƏRAR № 01 / 24-01 (23 yanvar 2024-cü il)
Azərbaycan Respublikası Audiovizual Şurası "Media haqqında" Azərbaycan Respublikasının 30 dekabr 2021-ci il tarixli 471-VIQ nömrəli Qanununun 29.1-ci, 50.1.3-cü, 51.1-ci maddələrini rəhbər tutaraq qərara alır:
- Ümumölkə yerüstü radio yayımçısı lisenziyasının verilməsi (istifadə edəcəyi radiotezliklər: Bakı Teleqüllə Kompleksindən – 93.0 MHs, Ağstafa rayonu ərazisindəki "Poylu" RTYS-dan – 105.7 MHs, Quba rayonu ərazisindəki "Dağlı" RTYS-dan – 104.7 MHs, Şirvan şəhəri ərazisindəki "Şirvan" RTYS-dan – 104.5 MHs) üçün 26 yanvar 2024-cü il tarixdən etibarən müsabiqə elan edilsin.
- Azərbaycan Respublikası Audiovizual Şurası aparatının Maliyyə və təminat şöbəsi müsabiqə elanının və müsabiqənin keçirilməsi ilə bağlı məlumatların Azərbaycan Respublikası Audiovizual Şurasının rəsmi veb-saytında (www.acra.gov.az) yerləşdirilməsini və rəsmi qəzetdə dərc olunmasını təmin etsin.
- Azərbaycan Respublikası Audiovizual Şurası aparatının Hüquq və beynəlxalq əməkdaşlıq, Audiovizual yayıma texniki nəzarət, informasiya texnologiyaları və kommunikasiya şöbələri bu Qərardan irəli gələn digər məsələlərin həll olunmasını təmin etsinlər.
