MTRŞ-da Moldova Audiovizual Şurasının (CA) nümayəndələri ilə görüş keçirilmişdir.
27 may 2019-cu il tarixdə Milli Televiziya və Radio Şurasının sədri Nuşirəvan Məhərrəmov Moldova Audiovizual Şurasının sədri Dragoş Vikol və şura üzvü Artur Kozmanı qəbul etmişdir. Milli Televiziya və Radio Şurasının sədri qonaqları Azərbaycanda teleradio yayımı sahəsində olan son durum haqqında məlumatlandırmışdır. Həmçinin, Moldova Audiovizual Şurasının sədri Dragoş Vikol Moldovada bu sahədə baş verən yeniliklər barədə danışmışdır.
Görüşdə 2017-ci ildə Əməkdaşlıq Protokolunun imzalanmasından sonra tərəflər arasında olan əlaqələrin yeni mərhələyə yüksəlməsi, səmərəli əməkdaşlıq qurulduğu vurğulanmış, gələcəkdə daha sıx əməkdaşlığın həyata keçirilməsinin vacibliyi qeyd edilmişdir. Görüşün sonunda xatirə fotosu çəkilmişdir.
