Azərbaycan Respublikası Audiovizual Şurasında qanunvericiliyin və məqsədli dövlət proqramlarının icrası ilə bağlı görüş keçirilmişdir.

22 fevral 2022-ci il tarixdə Azərbaycan Respublikası Audiovizual Şurasının inzibati binasında ümumölkə yerüstü televiziya yayımçılarının proqram rəhbərləri ilə Azərbaycan Respublikası qanunvericiliyi və məqsədli dövlət proqramlarına uyğun olaraq Azərbaycan Respublikası Audiovizual Şurası və ümumölkə televiziya yayımçılarının üzərinə düşən vəzifələr və onların yerinə yetirilməsi üzrə hesabatlara dair görüş keçirilmişdir.

Görüş zamanı qanunvericilik və məqsədli dövlət proqramlarına uyğun olaraq yayımçılara zəruri tövsiyələr verilmiş, bu sahədə, habelə yayımçılar tərəfindən Şuraya təqdim olunan hesabatlara dair yayımçıları maraqlandıran məsələlər müzakirə olunmuşdur.