Həştərxan şəhərində VI Xəzər Media Forumu keçirilir

Sentyabrın 10-da Rusiya Federasiyasının Həştərxan şəhərində VI Xəzər Media Forumu öz işinə başlamışdır. Forumunun əsas mövzusu turizm və etno-mədəni kommunikasiyadır. Forum çərçivəsində federal və regional icra hakimiyyəti orqanlarının, media nümayəndələrinin, alimlərin və politoloqların, Xəzər regionu ölkələrinin ictimai və gənclər təşkilatlarının rəhbərlərinin və nümayəndələrinin iştirak etdiyi plenar iclaslar və müzakirələr olacaq.

Xəzər Media Forumu regional media əlaqələrinin inkişafı ilə bağlı baxışların müzakirəsi üçün yaradılmış bir platformadır. Forumun işində Milli Televiziya və Radio Şurasından Sədrin müşaviri Haşim Əliməmmədzadə də iştirak edir.