"İctimai Televiziya və Radio Yayımları Şirkəti Yayım Şurasının tərkibində dəyişikliklər edilməsi haqqında" 17 aprel 2007-ci il tarixli Qərar

"İctimai Televiziya və radio yayımı haqqında" Azərbaycan Respublikası Qanununun 17.2-17.4-cü və 17.6-cı maddələrinə əsasən Azərbaycan Respublikasının Milli Məclisi qərara alır:

Aşağıdakı şəxslər 6 il müddətinə İctimai Televiziya və Radio Yayımları Şirkəti Yayım Şurasının üzvləri seçilsinlər:

Ağacan Qulam oğlu Abıyev - namizədliyi idman federasiyaları tərəfindən irəli sürülmüşdür;

Salman Musa oğlu Musayev - namizədliyi dini konfessiyalar tərəfindən irəli sürülmüşdür;

Altay Qulam oğlu Zahidov - namizədliyi yaradıcılıq təşkilatları tərəfindən irəli sürülmüşdür.

O. ƏSƏDOV

Azərbaycan Respublikası Milli Məclisinin Sədri

Bakı şəhəri, 17 aprel 2007-ci il

№ 312-IIIQR