Şura sədri Nuşirəvan Məhərrəmov və AŞPA Monitorinq Komitəsinin Azərbaycan üzrə həmməruzəçiləri arasında görüş keçirilmişdir.
1 fevral 2011-ci il tarixdə Milli Televiziya və Radio Şurasının sədri Nuşirəvan Məhərrəmov və Avropa Şurası Parlament Assambleyası (AŞPA) Monitorinq Komitəsinin Azərbaycan üzrə həmməruzəçiləri Pedro Aqramunt Font de Mora və Cozef Debono Qrex arasında görüş keçirilmişdir.
Şura sədri Milli Televiziya və Radio Şurası tərəfindən televiziya və radio yayımı sahəsində görülmüş işlər, rəqəmsal yayıma keçid, yeni yaranmış teleradio yayımçılarının fəaliyyəti və parlament seçkisi dövründə teleradio yayımında seçkiqabağı təbliğatın və təşviqatın aparılması ilə bağlı məlumat vermişdir. Həmçinin görüşdə Şura sədri qonaqları maraqlandıran sualları cavablandırmış, televiziya və radio yayımı ilə bağlı ətraflı fikir mübadiləsi aparılmışdır.
