Gəncə şəhəri və ətraf ərazilərdə regional radio yayımı üzrə 93.3 MHz işçi tezliyinə müsabiqə elan edilmişdir.
18 oktyabr 2012-ci il tarixdə Milli Televiziya və Radio Şurasının növbəti iclası keçirilmişdir. İclasda "Televiziya və radio yayımı haqqında" Azərbaycan Respublikası Qanununun 15-ci maddəsinin tələblərinə uyğun olaraq yeni regional radio yayım proqramının açılması üçün Gəncə və ətraf ərazilərdə radio üzrə 93.3 MHz işçi tezliyinə 22 oktyabr 2012-ci il tarixdən 22 noyabr 2012-ci il tarixədək müsabiqə elan edilməsi barədə qərar qəbul edilmişdir. Müsabiqə üçün tələb olunan sənədlər 22 oktyabr 2012-ci il tarixdən 22 noyabr 2012-ci il tarixədək (şənbə və bazar günləri istisna olmaqla) Milli Televiziya və Radio Şurasının inzibati binasında saat 10:00-dan 18:00-dək qəbul ediləcək.
