05 fevral 2019-cu il tarixdə Milli Televiziya və Radio Şurasının növbəti iclası keçirilmişdir.

İclasda Azərbaycan Respublikasında özəl ümumölkə teleradio yayımçılarına birdəfəlik maliyyə yardımı göstərilməsi haqqında Azərbaycan Respublikası Prezidentinin 17 yanvar 2019-cu il tarixli Sərəncamına əsasən Azərbaycanda fəaliyyət göstərən özəl ümumölkə teleradio yayımçılarının "Azerspace-1" peyki və digər vasitələrlə yayım həyata keçirməsinə əlavə dəstək verilməsi məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Milli Televiziya və Radio Şurasına ayrılmış 3 (üç) milyon manat vəsaitdən hər bir özəl ümumrespublika televiziya yayımçısına ("Lider TV və Radio - Azərbaycan" MMC, "Space Müstəqil Teleradio" MMC, "Azad Azərbaycan Teleradio Kompaniyası", "Xəzər TV" MMC, "ARB 24" MMC) 600000 (altı yüz min) manat ayrılması barədə qərar qəbul edilmişdir. 

İclasda həmçinin İTV kanalının ("İctimai Televiziya və Radio Yayımları Şirkəti") Full HD formatında yüksək keyfiyyətli rəqəmsal yayımının tətbiqi ilə əlaqədar olaraq yeni yayım paketinin yaradılması (Bakı şəhəri və Abşeron yarımadası ərazisində 34-cü TV yayım kanalı) barədə qərar qəbul edilmişdir.