Bugün Milli Məclisdə “Media haqqında” Qanun layihəsinin ictimai müzakirəsi təşkil olunub.

10 dekabr 2021-ci il tarixdə Azərbaycan Respublikası Milli Məclisinin İnsan hüquqları və Hüquq siyasəti və dövlət quruculuğu komitələrinin birgə iclasında "Media haqqında" Azərbaycan Respublikası Qanunu layihəsinin ictimai müzakirəsi təşkil olunmuşdur.

Müzakirələrdə Azərbaycan Respublikası Milli Məclisinin deputatları, Azərbaycan Respublikasının Medianın İnkişafı Agentliyinin və Azərbaycan Respublikası Milli Televiziya və Radio Şurasının rəhbər şəxsləri, Mətbuat Şurasının nümayəndələri, ölkədə fəaliyyət göstərən televiziya və radio kanallarının, informasiya agentliklərinin, çap və onlayn media qurumlarının rəhbərləri, müstəqil media ekspertləri iştirak etmişlər.