Milli Televiziya və Radio Şurasının növbəti iclası keçirilmişdir.

18 iyul 2008-ci il tarixdə Milli Televiziya və Radio Şurasının növbəti iclası keçirilmişdir. İclasda Milli Televiziya və Radio Şurasının 11 aprel 2008-ci il tarixli qərarı ilə ümumrespublika idman televiziya kanalının açılması məqsədilə elan edilmiş müsabiqənin nəticələri müzakirə edilmişdir.

Müsabiqədə iştirak edən digər iddiaçılarla müqayisədə daha münasib maddi-texniki bazaya, peşəkar kadr potensialına və idman sahəsində geniş təcrübəyə və arxivə malik olduğu üçün "Televiziya və radio yayımı haqqında" Qanunun 15.5-ci maddəsinin tələblərinə uyğun olaraq "Azərbaycan Televiziya və Radio Verilişləri" QSC (İdman Azərbaycan TV) müsabiqənin qalibi elan edilmişdir.