QƏRAR № 13 / 26-04 (13 fevral 2026-cı il)
Ümumölkə yerüstü televiziya yayımçısı olan "ARB 24" Məhdud Məsuliyyətli Cəmiyyətinin "ARB" televiziya redaksiyasının (kanalının) efirində 08 fevral 2026-cı il tarixdə, saat 13.38-də yayımlanan reklamı zamanı reklam istehlakçısının şüuruna təsir göstərməklə, məhsula aid güzəştlərin, ödəniş şərtlərinin və qiymət üstünlüklərinin reklamda dəqiq, aydın, tam olmayan və çaşdırıcı formada təqdim edərək qeyri-dəqiq reklama yol verilməsinə görə Azərbaycan Respublikası Audiovizual Şurası "İnzibati icraat haqqında" Azərbaycan Respublikasının 21 oktyabr 2005-ci il tarixli 1036-IIQ nömrəli Qanununun 53-56-cı maddələrini, "Reklam haqqında" Azərbaycan Respublikasının 15 may 2015-ci il tarixli 1281-IVQ nömrəli Qanununun 7.1.4-cü və 7.2-ci maddələrini, "Media haqqında" Azərbaycan Respublikasının 30 dekabr 2021-ci il tarixli 471-VIQ nömrəli Qanununun 39.1.4-cü, 41.1.1-ci və 41.5-ci maddələrini rəhbər tutaraq qərara alır:
- "ARB" televiziya redaksiyasının (kanalının) proqramlarının yayımı 16 fevral 2026-cı il tarixində 24 (saatlıq) saatlıq müddətə (16 fevral 2026-cı il tarixdə saat 08.00-dan 17 fevral 2026-cı il tarixdə saat 08.00-dək) dayandırılsın.
- Tətbiq edilmiş məsuliyyət tədbirinin məzmunu barədə məlumat proqramlarının yayımının dayandırılması müddətində (16 fevral 2026-cı il tarixdə saat 08.00-dan 17 fevral 2026-cı il saat 08.00-dək) "ARB" televiziya redaksiyasının (kanalının) efirində yayımlansın.
- Azərbaycan Respublikası Audiovizual Şurası aparatının Hüquq və beynəlxalq əməkdaşlıq, Audiovizual proqramların monitorinqi və təhlili şöbələri, həmçinin Kommunikasiya sektoru bu Qərardan irəli gələn məsələlərin həll olunmasını təmin etsin.
- Bu Qərardan 30 gün müddətində Bakı İnzibati Məhkəməsinə şikayət verilə bilər.